Gitambungan sa dili mo minus sa 500 (lima ka gatus) ka indigenous people sa siyudad sa Bayawan City og munisipalidad sa Sta. Catalina og Basay ang usa ka adlaw nga panangtigom kon Multi-Stakeholder Dialogue nga may temang “Empowering Indigenous Cultural Communities Through Whole of the Nation Approach” sa Villareal Gym, Bayawan City, kaniadtong Nobyembre 8, 2019.

Ang maong kalihokan gi tambongan gayod sa mga lideros sa nagkalaing laing grupo sa mga tumandok sa Sta.Bayabas, Civil Military Operation Officer sa 11th Infantry (LAPU-LAPU) Battalion, Kapitan sa Barangay Villareal, mga representante sa nagkalain- laing agensiya sa gobyerno.
Ana usab si Hon. Sumalpong ug ang atong BM Jack Raymund nga mipasupot ug mensahe ug suporta .

Ang katuyoan sa maong aktibidad aron pagahisgutanan ang mga importanting isyu, mga katungod, mga proteksyon ug seguridad sa mga myembro sa IPs nga nag subay sa balaod; R.A. 8371 kon, Indigenous People Rights Act of 2007.

Sa maong higayon, mipa-ambit ug mensahe ang mga representante sa nagkalain-laing ahensya sa gobyerno kon diin magiyahan ang mga igsuong natong tumandok aron ang mga tabang og ayuda sa gobyerno ilaha gayod nga mahibal-an.

Ang usa ka adlaw nga aktibidad nagmalampuson diin gihatagan gayod ug higayon ang mga kaigsuonan natong tumandok sa pag paapabot sa ilahang mga mulo/suhisyon ug mga panghinaot nga unta mapalapnag pa ang ilahang mga katungod isip mga tumandok sa kumonidad.